ആലപ്പുഴയിലെ പെണ്‍കുട്ടികളുടെ ഒരു വലിയ അവസരം നഷ്ടമായി. കഴിഞ്ഞ ദിവസം ഉച്ചക്ക് ആലപ്പി നഗരത്തില്‍ ഉണ്ടായിരുന്ന പെണ്‍കൊടികള്‍ക്ക് മലയാള സിനിമയിലെ ഹോട്ട് സ്റ്റാര്‍ ആയ ഫഹദ് ഫാസിലുമായി ഓട്ടോറിക്ഷയില്‍ കറങ്ങാന്‍ ഒരു അവസരം കിട്ടുമായിരുന്നു. ചീപ് പബ്ലിസിറ്റി ഹണ്ട് ഒന്നും അല്ലാ, അദ്ദേഹം ഉച്ചക്ക് ഉണ്ണാന്‍ വേണ്ടി ഓട്ടോയില്‍ വീട്ടിലേക്കു പോയതാ! വിശ്വസിക്കാന്‍ പറ്റുന്നില്ല അല്ലെ, ഫഹദ് ഓട്ടോ ഡ്രൈവറുടെ വേഷത്തില്‍ അഭിനയിക്കുന്ന ഏറ്റവും പുതിയ ചിത്രമായ ലിജിന്‍ ജോസിന്‍റെ FRIDAY യുടെ ലൊക്കേഷന്‍ ആലപ്പി ആണ്. ലഞ്ച് ബ്രേക്ക് ആയപ്പോഴാണ് തന്‍റെ കാര്‍ സര്‍വീസിനു കൊടുത്ത കാര്യം താരം ഓര്‍ത്തത്‌. നോക്കിയപ്പോഴുണ്ട് സിനിമയിലെ തന്‍റെ സന്തതസഹചാരിയായ ഓട്ടോ കിടക്കുന്നത് കണ്ടത്. പിന്നെ ഒന്നും നോക്കിയില്ല, നേരെ ഓട്ടോയുമെടുത്തു വീട്ടിലേക്കു വിട്ടു, സിനിമയിലെ ഓട്ടോ ഡ്രൈവറുടെ അതേ വേഷത്തില്‍ തന്നെ. ഓട്ടോയില്‍ പോയപ്പോള്‍ ആരെങ്കിലും തിരിച്ചറിഞ്ഞോ എന്ന ചോദ്യത്തിന്, ആരും തിരിച്ചറിഞ്ഞില്ല, പക്ഷെ ഒത്തിരിപ്പേര്‍ ഓട്ടോയ്ക്ക് വേണ്ടി കൈ കാണിച്ചു, വിശപ്പ്‌ സഹിക്കാന്‍ വയ്യാത്തതുകൊണ്ട് ആരെയും കയറ്റാന്‍ പറ്റിയില്ല. അല്ലെങ്കില്‍ ഉറപ്പായും യാത്രക്കാരെ കയറ്റുമായിരുന്നുവെന്നും ഫഹദ് പറഞ്ഞു.
 |
| ഫഹദ് ഫാസില്‍ |
No comments:
Post a Comment