ഏഷ്യാനെറ്റ് വോഡഫോണ്‍ കോമെഡി സ്റ്റാര്‍സ് ഗ്രാന്‍ഡ്‌ ഫിനാലെ കഴിഞ്ഞു.
അത്ഭുതങ്ങള്‍ ഒന്നും സംഭവിച്ചില്ല, ടീം വി ഐ പി തന്നെ വിജയികളായി. മികച്ച
കൊമേഡിയനായി ടീം ഫോര്‍സ്റ്റാര്‍സിലെ ഉല്ലാസ് പന്തളത്തെ തിരഞ്ഞെടുത്തു. വി ഐ
പി ടീമിന് പാരിതോഷികങ്ങള്‍ നല്‍കിയ ശേഷം രണ്ടാം സ്ഥാനത്ത് എത്തിയ ടീമായ
ഫോര്‍സ്റ്റാര്‍സിനെ പാരിതോഷികങ്ങള്‍ നല്‍കാന്‍ വിളിച്ചു, തൊട്ടു മുന്നേ വരെ
സ്റ്റേജില്‍ ഉണ്ടായിരുന്ന ടീം ഫോര്‍സ്റ്റാര്‍സ് അപ്പ്രത്യക്ഷരായി. വളരെ
നാടകീയമായി തന്നെ പരിപാടിയുടെ ജീവാത്മാവും, പരമാത്മാവും ആയ ബൈജു മേലില
വേദിയിലെത്തി രണ്ടാം സമ്മാനം ഏറ്റുവാങ്ങുന്ന കാഴ്ച പാവം പ്രേക്ഷകര്‍ക്ക് അന്തം വിട്ടു കാണേണ്ടി വന്നു. അതിനെക്കാളൊക്കെ ഏറ്റവും രസകരമായ മറ്റൊരു കാഴ്ച
അവസാന രണ്ടു സ്ഥാനങ്ങള്‍ നേടിയ ടീമുകള്‍ക്ക് സമ്മാനം കൊടുക്കാന്‍
ഏഷ്യാനെറ്റ് നന്നേ ബുദ്ധിമുട്ടി എന്നുള്ളതാണ്. അഞ്ചാം സ്ഥാനത്തു വന്ന
ടീമിന് പരിപാടിയുടെ പ്രധാന ജഡ്ജ് ആയ ജഗദീഷിന്‍റെ വക നാല് സ്വര്‍ണ്ണ
നാണയങ്ങള്‍., എത്ര തൂക്കം ഉള്ളതാണെന്ന് ജഗദീഷിനും, പിന്നെ സാക്ഷാല്‍
ജഗദീശ്വരനും മാത്രം അറിയാം. നാലാം സ്ഥാനം കിട്ടിയവര്‍ക്ക് ഏഷ്യാനെറ്റിന്‍റെ
വകയായി ഒരു ലക്ഷം രൂപ. ആ ടീമിലെ നാലുപേരുടെയും മൂന്നര വര്‍ഷത്തെ
കഷ്ടപാടിനു ഏഷ്യാനെറ്റ് നല്‍കിയ സമ്മാനം. അവരെക്കൊണ്ട് എസ് എം എസ്സിലൂടെ
ഏഷ്യാനെറ്റ് നേടിയ വരുമാനത്തിന്‍റെ ഒരു ചെറിയ ശതമാനമെങ്കിലും അവര്‍ക്ക് ഈ
പിച്ചക്കാശിനു പകരം കൊടുക്കാമായിരുന്നു. പ്രിയ ജോണ്‍ ബ്രിട്ടാസ്, ഏഷ്യാനെറ്റ്, ഇനിയെങ്കിലും ഇത്പോലുള്ള കലാകാരന്മാരെ വിളിച്ച് ഇങ്ങനെ അപമാനിക്കരുതേ... ആ പഴമൊഴി വീണ്ടും ഓര്‍മ്മ വരുന്നു, "ദീപസ്തംഭം മഹാശ്ചര്യം,നമുക്കും (ഏഷ്യാനെറ്റിനും) കിട്ടണം പണം!!!"
No comments:
Post a Comment